روح الملايـيــن
عندي غريـبه ضحكـت الناس تـدرين
ما هــــو غريب الحب والناس تـدري
وأن كان قصدك هي حقيقه تـقـوليـن
لا والله اللّي مــن بها ضــاق صـدري
قولي وش أنتي فــي غـرامك تودّيـن
عـيشي معي أسرار روحـي وفـكري
رسمت في حبك مدى أشواق غالـين
وأهــيـم فــيهـا وأنت بالقلب تـطــري
وأعيد وأكتب عشــق روح الملايـين
ما لـــوم قلبي في حياتك يا عــــذري
كل ما أقــول الحب أنـتــي تناســيــن
وأنتي معي تنسيـن يا شــوق بــدري
تـــو الملامه لا تعـيـشــي بقـلبــيـــن
تو الـعشــق والشـــوق فينا بيـسـري
أن كان صعبه كلمتي وش تمنــيـــن
فسّـــر سكوتك يا غـــلا مل صـبـري
أحترت خايـف مدري اليوم توفــيــن
وأن عشت وافي زاد قدرك وقـــدري
ما كنت ناسي لحـظة الحب يا زيـــن
شـوفي غرامك في عـروقي ويجـري
يمك رميت القلب وأنتـــي تعرفـــيـن
ما هــــو بيّدي خالف القــلب أمــري
أرجي وصالك ليتك اليوم ترجيــــــن
حبــر القـلم وأن زاد كـلمه بـسطري
أنتي حياتي شايلك فـــــي ملا العيـن
يا عشـق (ماجد)أنتي اليوم عـمـري
ورد وباقايا أشواق كل المحبـيّـــــن
يوم أنتشي أنفاس روحك يا عطري
شعر
ماجد بن راشد الهيري
ليست هناك تعليقات:
إرسال تعليق