الأربعاء، 6 مارس، 2013


قصيدة  رثاء  في  اختي  الله يرحمها  ويجعل  مثواها  الجنّه

أنثيت اليوم طاعه وأرتضيـت
                       للاله اللـي بذكـره نخشعـي
في رحيل اللي على قلبي عطيت
                     انثر الدمعات فيهـا واجمعـي
ياأمل وجهك بقلبـي مانسيـت
                    والحزن ياخوك هـذا موجعـي
صوتك اللي خابره فيني مبيـت        
                    ألتزم بالصمت لاجـا مسمعـي
شلتها وانا من الحزن انتهيـت
                  في قبر موحش وحيده تهجعـي
وش بيدي لو انا منها خذيـت
                   غير ضمة قلبها بيـن اضلعـي
في ثرى الرحمن ودعتك وجيت
                    تدني الاهات منـي بموضعـي
أتخيل وجهـك المنـور لقيـت
                   كل عبراتـه ونظــــرة ادمعـي
من عروق القلب اكتب لك وفيت
                    دعوتـي لله لجلـك ترفـعـــي
يرحمك ربـي بجناتـه دعيـت
                في قصور الخلد روحي ارتعـي
شعر \ماجد بن راشد الهيري

شــفــته

شفته انا يسقي عطش عمري بمي

                                كنّه عسل صافي من الشـوق حلاّه


قالت حبيبي انتظر برجــــع اشــوي

                               قلت الصبـر يارب مـن ويـن ابلقاه


انا ماصدق شفتها اليــــوم بالحــي

                              وشلون لوكانت معي تنطـق شفاه


ياليت ما تبطـي ولاينتـهـــي الـفـي

                              تعبت اناظــر شوقــهــــا واتحراه


واه ياسـاكــــن خـلا قلــبـي بضــي

                            ياانفاس ماجد روح عمره وبلواه


تعال خــذنـــي يمّكـم واجتمــع فــي

                            تراى في عمر الغلا جيت لك اااه


الليــل ياخـــذ منـّي اليــوم كل شـي

                          ودموعي عيني  عيت اليوم تنساه


كنه توارى عـــن حلم قلبــي الحي

                           وانا على حلمي من ادناه لااقصاه


اسمع نبض قلبي ولا تســتمع  لي

                           كانك تــبـي تعرف  حبيبي المعاناه
 
ماجد الراشد الهيري

 مالقيتك
ياعذيب اشواق  نبضات الشجون

                           ياهوى روح القلـوب المـولعـه

كل ماشفتك انا  ورد  وغصـــون

                          انزل بنفسي واجي لك واطـلعـه

ابتسم لحظه ولحظات امبغـــــون

                          انظـرك دايـــــم  وريـقـي ابلعـه

وش بلا قلبي رميتـــه بالظنــون                  

                         تاخـذه واحـد وتقسمـه أربـعـه       

كيف تسمح للعواذل يجرحــــون
 
                          فـي غــلاكم لابسين الاقـنعــه

ماتصور حالتي صارت حــزون

                          ليه تاخذنـي كذا فـي معـمعـه

مالقيتك فـــي حياتي ياحنـــون

                         شفتك بحلمـــي حقيقه مفجـعـه

أستبيح العذر لجلك ماتهــــون

                       صـوتي اللّي في خفاكم تسمعـه

ليه ما ترضي غروري يافتون

                      لو تمري فـي حياتـي مسـرعــه

اخذك نظره وتاخذني عيــــون

                      لو تضايق خافقي منكم  ســعــه

يستحيل يكون مني مايكــــون

                       قــدركم دايـم حبيــبي  أرفــعــه

ياهوى نفس(ن) لياليها سكون

                      ياهنــا مــن كان حبّــي يجمعـه

لو سقيته من سحابك والمزون

                      أو ندى قطـرات  تروي منقعــه


صارت العبرات فـيني والطعون

                      موجعــه والله فيـني  موجعــه

اصدق الكلمات مني يكـتبــــــون

                      ياصللك فيها سلامي وابـدعه       

في جمالك فـــــي دلالك والفتون

                     ارتجي قربك ووصلك  اتبـعـه

ماجد  بن  راشد  الهيري