الأربعاء، 28 سبتمبر، 2011

علامك ترخي النظره

علامـك ترخـي النظـره أذا مريـت مــن صـوبـك
تـوانـى بالعـشـق لحـظـه وتتكـبّـر عـلــى ذاتـــك
ترى لو كنت في ميّه عرفتك من طرف ثوبـك
ولــو مـابــان فـيــه الاّ مـــن الـخـافـي بـدايـاتـك
أنـا مـن يــوم ماشفـتـك وانــا مـيـت ومذهـوبـك
أجـافــي الـنــوم بعـيـونـي أذا بـانــت عـلامـاتـك
سـواد الليـل لوحالـك أنـا سـرتـه عـلـى دروبــك
لــو اخــذ بالـهـوى دوره انــا مجـنـون دوراتـــك
أنـا احبـك علـى حلـوك وأحبـك حـتـى بعيـوبـك
تمنـىّ وش تبـي أكثـر أذا عيـنـي تــرى جـاتـك
تبـي تـعـرف بـعـد أكـثـر انــا للحـيـن مسلـوبـك
يصـوت الـروح فـي قلبـي أذا صحـتـه باهـاتـك
حقيقـه تجمتـع فينـي وتتبعثـر عـلـى اسلـوبـك
وانــا ماعشـتـهـا الّا عـلــى كـيــف ابتسـامـاتـك
عطينـي بالغـلا وعـدك وانــا اكتبـهـا بمكتـوبـك
واجدّدهـا علـى حـولـي اذا لــي عـمـر باوقـاتـك
أبـــي واقـــول واتـمـنـى وافـسّـرهـا عـلــى نــوبــك
واصـافــح بالـكـفـوف الـلّــي تحنـيّـهـا بـحـنّـاتـك
تصور لو على شرقك ولو هي حتى بغروبـك
يــلــوح بـقـلـبـي الــوافــي وأعـانـقـهـا مـسـاراتــك
شمالك زاد في وصفك وانا خلته على جنوبك
حـشــى والله مـاضـاعـت عـيـونـي باتجـاهـاتـك
أذا للـحـر فــي جسـمـي تـظـلّـل مـنّــه لاهـوبــك
أجـل وشـلـون فــي بــردك أذا تنـطـق عبـاراتـك
شعر \ماجد الراشد الهيري

الاثنين، 26 سبتمبر، 2011

انا في خاطري

انا في خاطري

انا في  خاطري  شي(ن) أجيب  العلم واصيبه

                        أذا  بانت  نـجــوم  الليل  ما تكفـينــي المـــــدّه

أصوغ  الحرف  بأسبابه واكتب مـن تجاريــبه

                       خفوقي  مشتعل  دايم  على مــتن  الهـوى  هدّه

اذا يرضى عــلى قلبـــي يــزيد اليـــــوم تعذبيه

                       وانا خلــته بقيــفـــاني وهــــام القلب في  قـــدّه

أبيه الحيــن ياخذني  وانا  اطوي  مشاريـبـــه

                        مثل ماكان ياسرني  بنــظــرة عــــــينـــه ولـدّه

امانه وانت فـي قلبي  سـواة اللــــي يماريــبه

                        حسافه  ماتـت طـــيــوفــك على قلبي ومنصـدّه

عـليه الله  وامان  الله  انا فـرضي  أصـلــيـبه

                    على ماكنت انا اخفيها فضحني الشوق ماســدّه

تعالي  واحضني  روحــي وانا باخـذ اساليبه

                        يكفّــي  بالهـــوى طلّه تواسيـــني مـــن الشّده

أنا فـي واقـعي ميت ولو عشـتـه وانا ادريبه

                        ترى الاشــواق ما تبطـي لوغــابـت  لها  ردّه

وش اللي  يمنعه  عـنّي وهوحزني تسابيـبه

                        أعانق بالهـــوى روحه واقاسمها عــلى  ودّه

ابعطي من نسى حزني سنين ايام وامضيبه

                        واصافـح راحــة كــــفـوفـــه  اذا لامستها يدّه

يثير الفكـر من شانه على ماكان يوصـيــبه

                        يهيم  الشـــوق باركـانه ويتبـّخــر عـلـى  ندّه

ترى للحين مجنونه ولوراسى كسى شـيـبه

                        تبي تكشف انا اوراقـي من الصوبين مسودّه

صحيح أن الجـفا قاسي على قلبي ويصليبه
       
                         رعوش اوتار في عروقي أعانقها على خدّه

أنا ابكي على حّــبه ولو طــالت لي الغــيـبه

                         أعـد الوقت  مايرحم وانا راضي عــلى عـدّه



  

شعر ماجد بن راشد الهيري

الجمعة، 23 سبتمبر، 2011

للمملكه


للمملكه


أفخر وأفاخر و أفــتخـر وأتــعــــلاّ

وأجيب أولها عـــلى الكيف وأنجــز

القاف شلته فـــــي ضميـــري وملاّ

وانا على الموزون صنته من العجز

بأســـم الوطن عيّت حــروفي تخلاّ

لاصابها مــيله ولاصــــابها هـــــز

للشامـــخـــه النايــفـــــه المــظـــلاّ

اللّـــي غــلاها داخل القــلب له عز

للمــلكـــه  يا قــــــلب اهلا وسهـلا

حتــى كلام الشعـــر في وصفها فز

اللّــــي لها تاريخ مجد(ن) مـــطـلّا

والخيــــر كله في مــــداها  تجـاوز

واللّـــي حكم في شرعهــا واستقـّلا

عبد العزيز  القايــد الباني الــرمـز

شــيــخ  العرب ضـوهّ عــلينا تجـلاّ

نور(ن) عـــلـى كل الليالي تمركـز

منـــه الـمـــكارم للــجــمـــيله تفّلا

حد الســيــوف اللي من الليل تبرز

كنّــه سحـــايــب فـــي فضاها تدلّا

واسمه علـــى التاريخ ـفيها تبروز

لبيّــه يادار(ن)عــلـــينا تــحـــــلاّ

حـــبــك  ترى بنفوسنا غالي الكنز

أفـــديك باللّـــي فـي عروقي تملاّ

وضلــــوع قلبي فــي ولاها تجهـزّ



شعر\ماجد بن راشد الهيري

الخميس، 21 يوليو، 2011

ثلاثين خانه

ثلاثين خانه
يالله ياللي طاعــــة العــبــــد ترضــيك
                                    الاول اللــــي معــتـلي جــل شـانه

ياخالقـــي من نفــس ادم عــــلى ايديك
                                     ياللي عــليه اليــــوم كل استعانه

خمسه ثلاث بيوت جـتــنـــــي بطاريك
                                     ثم أستوت عــنـــدي ثلاثين خانه

أن قلت فيها من جــــــمــيل المحابيك
                                     والاعــلى الأحساس أروي بيانه

ديناي ربـــي ياعــساهــــا تبــــــاريك
                                    يالله عــــسى مااقــول هذا اوانه

خلاص يكفـــي مــــن حياة التهاليك
                                   نفــســـي بها يارب لاشك  مدانه

أبعتزي للـــــدين وأشري المساويك
                                   وأقصـــــر ثيابي خشوع ورزانه

ياماجد الـــــراشد عساها بأراضيك
                                   تنبت زهـور الخير عشر وثمانه

أما تساوي الطـــيــب والا يساويك
                                  والاّ تعـيــش النفس فيها مصانه

تمضي بــي الدينا دروب ومساليك
                                   لحـــظـه أسيّرها ولحظه عشانه

كل التجارب لـــــــو تمنيت تعطيك
                                  مااعطتك والله في حياتك ضمانه  

والحظ مثل النقد يصرف بلاشيك
                                   ياليت حــظــــي ماتـــــقــيّد مكانه

أنتي معـــــــي يانفس والا أناديك
                                   والا أزهـــدي فيها وعيشي زمانه

عاشرت بالدنيا  رجال وصعاليك
                              ناس (ن) تسر القلب وناس(ن) جبانه

فيها وجــــيه مكثيرين المناسيك
                                 تسبـيحــهـــم صادق عـليها لسانه

وفيها من اللّي لانوى هو يخليك
                                  وفيها مـن اللّي يتصف بالرزانه   

وفيها شعور أحساس عشته وناسيك
                                وفيها غريب أطوار يضحك ميانه

واللّي بـــــــدون أسباب ودّه يجافيك
                               واللّي له الأسباب يرضــــي كيانه

واللّي عــلى حبّه رمــــــــاله تذريك
                               واللّي عـــلى طبّه من الوقت بانه

واللّي يبــي يشري رخيصه بغاليك
                              واللّي يبـــيــــع بدون علم وأمانه

واللّي غـــــروره في ملامه يوذيّك
                               كنّه يـغــــنـــيـــهـا على ليل دانه

واللـــــــي يكابر في كلامه وينبيك
                             مطلــــق عـلى الثنتين فيها عنانه

واللّي يشوّه في غموضه مباديك
                             لو ماتـصـــيب النفس خلّت وزانه

واللّي على زيف المشاعر يمينك
                            خـــاوي على الوجهين فيها حنانه

الواقع اللي بعض الأحيان يبكيك
                            لو مايسّـــــر القلب تــــبكي عيانه

وانا كتبت اليوم فيها وأوصــيك
                          يانفس عــــيشـــي دون ذل واهانه

يرحمني الله في طريقي وأنا امشيك
                           عـــسـى من الجنات حظي سمانه

يالله ياللّي طـــول ليلي أناجـيـــك
                           وتبكي عيوني من خشوعك ليانه

أسال بها في كل وقتــي وأرجيك
                         أغــفــــــــر لزلات العقود المشانه


شعر \ماجد بن راشد  الهيري

ياليل

                                       يا لــيـــل
يا ليل خـبـّـرني عـن الشّـوق وش جاب
                        مـدري بـداية حب و الا أنـتـهــي فــيــه
دام الـهـوى مـعـروف فـي أســم غــلاّب
                        يـقسـى عـليّ الوقت في عــيـشة التّـيـه
أســـرجــتـهـا  يا ليلمــن قـلب طـلاّب
                        وأســري بها كل ما تجـيـني طــواريــه
لعـيون مـن هـي عــندها زين الأهـداب
                        نص الشهــــر قــمــره تـضّـوي لياليـه
كنّي أعــيش الـوقـــت لجله بلا حسـاب
                       مدري عـــلام الوقـــت تجـري ثــوانـيه
في روح مــنهـو بادل الحـب بأعـجـاب
                      اللــي خــــذا فــكـري من الناس صافيه
أوهـي ظروف الوقت جـتني وانا شـاب
                                     كل ماذكـرته يـــذكـر القــلــب غــــاليه
وشلون أبجفى واقعي مــنه يااصحـاب
                     وشلون ابنسى وفـي ضلـوعي محانـيه
قست الكــلام اللي له اليوم عـــــــرّاب
                    في أوجـــه الاحساس نـظــرة أمانـيــه
يا لـيـل تـكـفـى خـبـّر الشّــوق لاغــاب                           
               لا يرميالمشـتـاق لحظـه ويـفــنـيـه

شعر \ماجد بن راشد الهيري