طـــرافــــه
يا لابس شــمـــاغ(ن) منشى بمـرازيب
يا بـــو عقال من الـهـدب طـــــول باعه
وسنن مذهّب ممـــتلي رأسه الشــيــب
عـــطــــره تشّــــمه ما تصيبك مـناعه
وخاتم عقيق(ن) لابسه بالمــــخالـيـب
دقـــات قلبــه ترهـــبيـــك كل ساعـــــه
تسمع دنين أصـــوات سود المقاضـيب
فـي مـــورتن ماخوذ دفــــعـــي رباعه
والا جـــديد لحــون غنّــــت أعاجــــيب
أشتاقلك وأهــــــواك وصـــل وقطاعـه
وين انت رايــــح ياعريـــض المناكيب
مــوعـــد غـــرام في حياتك وضاعـــه
وجــــهـــك يروع ياصحيبي تقــل ذيب
تقبل عـــلـــيهم مثل راعي البــــضاعه
راحت عــــلومـــك يا ولد لــلأجانـيــب
تــــشري ثيابك من جديد الصـــناعـــه
زيف الــهــــوى لديار حمر المشاريب
ترفع حـــجـــاجك تبتسم للــــدلاعـــــه
الـــدّبكـــه اللّي ترتـفــع بالمشاعـيــب
ماهــي لكم يا شــــوق كل الجــــماعه
خلك على سيف(ن)صقيل على الطيب
لاردة الأصوات سمـع(ن) وطــــاعــه
حــنا رفـعـــنا بالـمكارم مــــواجــيـــب
من عاش دانــي زاد فــيـنـــا أرتفاعه
وأن كنت ناوي يا صحـيـبــي تسابيب
أصدح بها ياخوك صــــوت القـناعــه
والـشــام لأهـلــه أهل عز وتراحـيـب
وحنا لأهــلنا ما قطــعـــنا الرضاعــه
الكشّـــه اللــي تســبرك بالــمنــاديـب
أولى بها مسجـــد رســول الشـفاعه
شعر
ماجد راشد الهيري
ليست هناك تعليقات:
إرسال تعليق