الجمعة، 17 يونيو، 2011

امس العصر

أمــس الـعــصـــر
أمـس الـعـصــرجاني من الوقت تيّار
                        مدري امتضايق حالتي فــي جهيــدي
اما غلب فكري على صـوت الاشعار
                        والا غلب صوتي عــلى كل جــديــدي
والساعه اللي في يــدي دقت انــذار
                        تجني على نبضات قـــلبــي ووريــدي
فكت صدر ولفت شماغـي والاشبار
                          وانا على الله يفــعـــل اللـــي يريـدي
كني من اللي يطلب العلم والــكــار
                           ومن واقـــع الايام مـالي رصــيدي
 يالله دخيلك من بلا الوقت لاصـار
                          عكس اتجاهي وجايب اليوم عيدي      
من يوم شـفـتـه ياخذ يمين ويسـار
                           بالهـــون كـنّه في الحياة الفريـدي
أشــقـر سلب مني موازين الانظـار
                         ريم(ن) كما الاشـواق فــيني تقيدي
لـهــفه تشــدد خافقي صحت ابنهار
                      من هــو يقول اليــوم ماجـد وحيدي
هذا دفى عمري ووقتي والاقــــدار
                      ولجله انا والله بـــكــتـــب بـــريدي
احلى من الورد الربيعي بالانهـــار
                         خشـفــــن حور اوثق مطالق قـيدي
حاولــت اكلمها من القلب واخــتار
                          اجمل كلام العـشــــق فيها اكيــدي
لاكن حسافه كل ما قـــلـت له سار
                          خطوات رجله من صداها تزيـــدي
قلبي هواكم وابتدى اليوم مـشـوار
                           منكم انا ياشـــــوق ماني بعيــدي
تدري وش اللي حير القلب واحتار
                      هل هو حزين اليوم أوهـو سعيدي
من ضيقة بالصدر جـتني  وهـومار
                         راحت وأنا في خاطري جا قصيدي 

شعر \ماجد الراشد الهيري


الشعر

الشــعــر كلــمه في ترانـــيــم الاجــيــال
                                واللّــي عـــرف شعري ترى محتــويني
ما جــيت له راضي وأنا عشت الأهوال
                              خـــوفــي عــليه اليـــــوم تقصر يديني
وما جيت أبكتب لحظة الحب فــي حال
                             وما جيت أبعــطــي للــوداعه سـنـيـني
فـنّ الصـور جتني عــلى كل الأشكـال
                            تروي ظـمــى مــن عاش فيها وفيني
دام الهــوى صــوته أقــيسه بالأميـال
                            وصوتي أنا مــعــروف منــّي حزيني
حملي ثقل منها وانا شلت الاحــــمـال
                           نفســـي عليها اليـــــوم حالف يميني
ماللفرح قيـــــــمه اذا كنت له ضــــال
                            وماللحـــــزن ياقــلب واقـــــع يقني
هذي هــــي الدنيا مـــــــــدابير واقبال
                             مـــــره تجـــيــــك اليوم مره تجينــي
مجبور أدررهاعلى صــــوت مــــوال
                               واخـــتـــم بها مشـــوار قلبي وعيني
كل الّذي مــوجود فــي قلبي أوصـال
                              قطــعــة دمـاها تحـتـضـر ما تـبـيـني
الشــعــر كلــمه في ترانـــيــم الاجــيــال
                                واللّــي عـــرف شعري ترى محتــويني
ما جــيت له راضي وأنا عشت الأهوال
                              خـــوفــي عــليه اليـــــوم تقصر يديني
وما جيت أبكتب لحظة الحب فــي حال
                             وما جيت أبعــطــي للــوداعه سـنـيـني
فـنّ الصـور جتني عــلى كل الأشكـال
                            تروي ظـمــى مــن عاش فيها وفيني
دام الهــوى صــوته أقــيسه بالأميـال
                            وصوتي أنا مــعــروف منــّي حزيني
حملي ثقل منها وانا شلت الاحــــمـال
                           نفســـي عليها اليـــــوم حالف يميني
ماللفرح قيـــــــمه اذا كنت له ضــــال
                            وماللحـــــزن ياقــلب واقـــــع دفيني
هذي هــــي الدنيا مـــــــــدابير واقبال
                             مـــــره تجـــيــــك اليوم مره تجيني
مجبور أدررهاعلى صــــوت مــــوال
                               واخـــتـــم بها مشـــوار قلبي وعيني
كل الّذي مــوجود فــي قلبي أوصال
                              قطــعــة دمـاها تحـتـضـر ما تـبـيـني

شعر \ماجد الراشد الهيري

في ماضي التاريخ

يالله ياللي لك علامــات ونجــــــوم
                                 يالواحد اللي ســــدرته منــــــتاهاها 
ياللي خلقت الناس حاكم ومحكـوم
                                مسقي تراب الارض مروي ضمـــاها
الواقع اللي اكتبه فـيه مــلــــــزوم
                                لو جيت ابرفع فـــــــي كلامي لواهــا
نشوف حالة امة(ن)سادهــا لــوم
                               جــــم الفكر فـــيها واثّـــــــــــر بلاها
شعب العروبه يضطهد فيه كل يوم
                                واللي خفا مــــــن زود علمي خفاها
مير البلاء بأخوان عادات وسلــوم
                                وكــلـــــــــن على ماقيل يارد مـناها
كن المصايب تجتمع فيه وتــقـــوم
                                فيض الدموع اللي مـــن العين ماها
بالظلم يحكم وياخذ الحكم مظلـوم
                                يقطع عروق اللــــــي تقاسي عناها
وقت أمتغير في ملذاته يــــــدوم
                               قمة تظاهر في صحيـح وعمـــــــاها
اللي يقول الحق واللي له يلــوم
                              واللي مع الطرقى معـــــاها مـــعـاها
والحمد لله مابها حبــــة خشـــوم
                              انا سعودي وأفــــــتخــــر فــي ولاها
عبدالله اللــي قادنا عـــزّه يـــــدوم
                             والمملكه تسـعـــــد لحامــــــي حماها
في حاضر التاريخ نزعات وخـصوم
                              وفي ماضي التاريخ محـــــدن عـلاها
وصلاة ربي للذي عـلّم الصـــــــوم
                              احــمــــد بصوت الحق نوره ضواها





شعر \ماجد الراشد الهيري

مناجاه قلبيه

مناجاه قلبيه بيني وبينها (قالت وقلت)
قالت ترى مايـثيــــر شعــــرك غرامي
                                مااحدن يقول الشعر فــــيــــني ويخفيه
قلت المـــــهم انه ظهـــر فــــي كلامي
                                تلقـــــــين فيها يامــــــلا العــين باقيه
قالت وش اللّــي يجبرك فــــي ملامـي
                                كل ما كتبـــت الشــعــر تاخــذ مساويه
قلت الغـــريب انك نــسيــــتي سلامـي
                                أكثر بيوت الشعر عنـدي على وجــيـه
قالـــت ترى شـفــتــك انا فـــي منـامـي
                               تارد على عــد الظـــمى في مهامـــيــه
قلت الحلـــم ماهــــو عــليكم حــرامــي
                             أنا ترى شـفـــتك  تــوارد على الّـتـــيــه
قالــت انا وان كان عـــنــدي مـرامـــي
                             اعرف متى اجــفا على القلب وأرضيـه
قلت المشاعـــر ياغـشيــــمـه ظـــلامــي
                           وصــدق الهـــوى لـــو كان كـذبه يـبدّيه
قالت أنا ماعـــاد تــــقــــوى عـظامـــي
                           خلاص يكــفـي ياحـــبـيـــبي مـشـاريه
قلت أسمــعـــي دامـــك عرفتي زمامي
                          روحي وشــــوفي واقعـك وين اراضيه
قالـــــت أنا مــقـــدر أفــــارق وسامـي
                         أصـــبــح عـلى حبّك وأعيشه وأمسيّـه
قــلت العــــــذر هــــذا يعـــــزّه مقامي
                         وأنــــتـــي مكانك في خفـوقي مرسّيه
قالـــت أشـــوفــــك كل لحـظه أمامــي
                         تــنـظـــر عـــيــوني وتنتظرها توافيه
قلت العـيـــون اصدق ترى مـن سهامي
                        وقت القّـــى مجـنـون حبك  ومغـلـيه
قالت فــــديـــتــك قــلتــهــا بانهـزامي
                        وأنا عـلى قــلـبـك حـشـى ما أخـلـيّـه
قلت الحـقيــقـه واضــحـــه للاـنامـي
                        أنـتـــي حــياتــي ورح قــلبي ومافـيه
راحت وفــيهــا مـن جميل الزحامـي
                        قــلبــي عليها وفـــي عـيوني أداريــه
مـــدري تمــــايل رافــــعـه للكمامـي
                        والا أنهــا تاخــــذ يــديـهــا مخـابــيه
غـطـت عـلى وجـــــه القمر باللثامي
                         واستـــدركت  كلمة  حـياتـي وغاليه
كنّه تبــسّم أو ضـــحك  بانقــــسامـي
                      أوهــــو تـذكّر كل ماأنا كنت  أسّويه
 كنّي  قــســيتـــه يا خسـاره علامي
                      مـــدري وش الّلـي بالامانه  أقاسيه
لو مــا أصدق كــلـمتي واصطــدامي
                     أو اعتبرها  كلمة العشق  ترجـــيــه
شعر\ماجد الراشد الهيري