ســمــــراء
سمراء رهــيـفــه واسعـات العـيـــونــي
روعـه خـلقـها الله مـن الحسـن توصف
جّـــن المـعانـي فـــي غــلاها يجــونــي
لا صـرت أبكـتبـهـا من الحرف للحـرف
صوره عـطاها الله جـــمال(ن)فـتـونــي
أشــبــه كـمـا ورده تــزّيـن بـهــا الـرّف
واللّـي بقى في خـافـيات الــظـنّــــونـي
اللّــي تــزّين به عــن الكـمّــل الخـشـف
مثل السحاب اللّـــــــي مطرها هتـونـي
مثل ألأراضي المـورقه كـنّـها الـوطــف
يا ماخـذه مــنّـــي الدهاء والفــــنـونـي
يا لّلــي غــلاتـك أعـتــبــرها أنا وقـــف
في شعرها ليل(ن)طـــــوته الـمتـونــي
رحلة ذهاب الشـــوق من عـنـقـها لـف
منه العسل يا خــذ طـبيـعه ولـــــونـــي
لا هـــوب كاســي وجـهها أو لها شـف
التوت الأحمــــــر من خدوده عـطـونـي
والمـبســم الّلـي فـيـه الألحـان تـعــزف
مـتـــمــايـلــه مــتـعــاليات الغــصـونـي
مــتســاويه بالــقـد مـهـــدولة الكـتــف
واللّـي تــــدلّـى بصــــدرها يـذهـلــوني
كـــنّه ثـمـــر بـســتان حــالــي تزخرف
تــومــي بــيــــــــدها كنّها في لحـونـي
يا وجـد حالي مـن رسـم نقــشة الكـف
يعـطيه قـــــــلبي بالغلا من شـجـونــي
لا شـفـت بارقـهـا أنا يصـيـبـني ضعـف
أصل الـحـلا منها وفـيــهــــــا يـكونــي
أن قـلتـهـا بالـنـقـد أو جـبـتهــا صـرف
أن ما كــفـــــا عـمري أنا له خـذونــي
والأ أقـتـفـي أخـر سنا شـوفـهـا العــف
القلب يوصف والعــيون اسهــــــروني
يا سامـعــيـن الصــوت زفــوه لي زف
شعر
ماجد بن راشد الهيري
ليست هناك تعليقات:
إرسال تعليق