ذكـــرى بقـلــبي تشتعــــل كل مـا جــات
و نفـــســي عليها ترتجف من نزوفه
أن قــلـتـها صـــارت بصــدري علامات
وأن شــلتـهـــا فـي وسط قلبي شفوفه
الــلّـيـل ياخــذ مـن كـثـيــر الاجـــابــات
ووقــت الضـحى لابـان بانــت طيـوفه
يامــزنــة(ن) عالـي السما بالمجـــرات
أعــطـــاك ربــــي مــن مطرها كنـوفه
سيــل المطر لو لـــي عليه الكرامــات
لأصبّــها فـــي كل ضلع(ن) وأحــوفه
أنصـــي ديار العـز وأهـــل المنّصـــات
وجبـــال عـــطــوه لو تهاوت كهوفه
العــمــــر واحــد والشقـــاوي متاهـات
شي(ن) تبيه النفس وشي(ن) تعـوفه
والخيــــر لاوصّــل جـمـيــع العـلاقــات
مايــقــــدر الانســــان يرمـــي حتوفه
لاصـــار قالــــــوا فــي جميل العبارات
كل الّلـــذي مـكتـوب عـينـك تشــوفه
يانفــس ياللّـــي راضـيـــه كل الاوقـات
وش يمـنعـــك يانفــس بأنك شغــوفه
أقـــــرب مسافه ثـــم تجيـني مسافــات
كـنّي أعـيش الـيـوم وقت(ن) أطـوفه
يــمـضـي علي اللـيـل كـلـه باااهـات
ااهــن عـلى حـزن(ن) واااهن تروفه
مـدري يـعيـد الـوقت تصوير الابيات
أكــتب حـــروفــه ثــم تلاشى حـروفه
بيـن الالم والخـوف كـلمه ونـظـرات
بين الصـبر والياس لحــظه رهـــوفه
يامن لقى حسن(ن) نمى في ملــذات
عــايـــش سنينـه في محـبة هنـوفه
ويامـن لقـى بالحـب تـقـلــيـد عـادات
وعـروق فـكـــره كلها مـــــن حلوفه
ويامن وصل بالشوق ساعه وساعات
ويامــن قــطـــع بالشوق دمعه رفوفه
ويامن سرى بالليل في صمت وسـكات
ويامــن صـــدح بالليل يضرب دفوفـه
ويامن نـــوى يصدر علينا الاشاعــات
كل ماســـألتــه هــــزّ لك في كتــوفه
ويامـــن جـرح بأقسـى كلام الاهانــات
يطـــعــــن بها كــل ماتعــالت سيوفـه
ويامن يجـيـب الحب فــي خـذ أو هات
لـمـــن طــرى يشهق معاليق جوفــه
واللّــي يـخــز بـعــيـن قـلـه سلامــات
نـظـــرتك هـذي ماتـوقـف صــروفه
ما يســتحــيل العـلـم لوفيـه أنصــات
تحـفــظ كتاب الله أذا فـــيـك خــوفـــه
نـــدري عـــن اللّي يعتلي بالمـقامات
وندري عن اللّي كاملات(ن) وصوفه
يالله ياللّـــي لك عــلـــينــا العبـــادات
يا مــعــطـي الأنســـان رحمه عطوفه
أرجــــوك تــــرحــم حــالتي والمعاناة
وتـــغــفــر لعــبـد(ن)مانساك بوقـوفه
وخـــتـامــهـا نـــور الهـدى والتحيات
عــلــى نــبــي(ن) نرتوي من كــفـوفه
شـعـر
ماجد بن راشد الهيري
ليست هناك تعليقات:
إرسال تعليق