ثـلاثــيـــن مــنــهــــج
يا راكب(ن) حمر(ن) طلق وارد الــرنج
وســـهــــوم عـينه فـــي فضاها تعـــلّـي
طاحت جـــديلـــه والتــوت يدّها بغــنــج
خـــد(ن) لـمــع فـــي نــور قـلبي يـدلّـي
وقـــفـــت مشــــدود بــخــفـــا أتـفـــرّج
ليته درى عن خاطـري وش حـصـل لي
حتى بــدى يكشف عــلي ناصـع الثــلـج
وجــــه الـــبـــدر يا ناس شـفــته يطـلّي
قـمــت أتـــوانا بالــمــشـــي وأتحــجــج
عــلـــيّ أشـــــوفــــه حادي الظل ظــلّي
عـــيّــــا جـــديــد الشـعـر فـيـني يتـّـوج
ياقـــف عـــلـــى حــــد الـغـلا ما يكـلـّي
بـــوصـــوفــهــــا بكتب ثلاثين مـنـهـج
روحـــي عــلــى كـف الـقـدر مـا تـملّي
عــلى لحـــون الشــوق فــي ليل أدلـج
هــلـيّ دمــوعـــك يا مـــلا عــين هـليّ
يـمـــك جـمـيـل الـود مـن غـايــتي فــج
دق الـهــوى بابــي وأنا فـي مــحــلّــي
أستـغـفــر الله كـان قـلبــي تـــــــوهّــج
راحت وأنا فـي مسجـدي رحت أصـلّي
شعر
ماجد بن راشد الهيري
ليست هناك تعليقات:
إرسال تعليق