مناجاه قلبيه بيني وبينها (قالت وقلت)
قالت ترى مايـثيــــر شعـرك غرامي
مااحدن يقول الشعر فــيـني ويخفيه
قلت المـــــهم انه ظهـــر فـي كلامي
تلقـــــــين فيها يامـــلا العــين باقـيه
قالت وش اللّــي يجبرك فــي ملامـي
كل ما كتبـت الشـعــر تاخــذ مساويه
قلت الغـــريب انك نــسيــتي سلامـي
أكثر بيوت الشعر عندي على وجـيـه
قالـت ترى شـفــتــك انا فـي منـامـي
تارد على عــد الظـــمى في مهامـيـه
قلت الحلـــم ماهــــو عــليكم حـرامي
أنا ترى شـفتك تــوارد على الّـتـيــه
قالــت انا وان كان عـــنــدي مـرامي
اعرف متى اجفا على القلب وأرضيـه
قلت المشاعـــر ياغـشيـمـه ظــلامــي
وصــدق الهـوى لـو كان كـذبه يـبدّيه
قالت أنا ماعـــاد تـــقـــوى عـظامـــي
خلاص يكــفـي ياحــبـيــبي مـشـاريه
قلت أسمــعـــي دامــك عرفتي زمامي
روحي وشــوفي واقعـك وين اراضيه
قالـــــت أنا مــقـــدر أفــارق وسامـي
أصـبــح عـلى حبّك وأعيشه وأمسيّـه
قــلت العــــذر هــــذا يعـــــزّه مقامي
وأنـــتـــي مكانك في خفـوقي مرسّيه
قالـــت أشـــوفــك كل لحـظه أمامــي
تــنـظــــر عـــيـوني وتنظرها توافيه
قلت العـيون اصدق ترى من سهامي
وقت القّـــى مجـنـون حبك ومغـلـيه
قالت فــــديـــتــك قــلتــهــا بانهـزامي
وأنا عـلى قــلـبـك حـشـى ما أخـلـيّـه
قلت الحـقـــيــقـه واضــحـــه للانامـي
أنـتـــي حــياتــي ورح قــلبي ومافـيه
راحت وفــيهــا مـن جميل الزحـامـي
قــلبــي عليها وفي عـيوني أداريــه
مـــدري تمــــايل رافــــعـه للكمامـي
والا أنهــا تاخـــذ يــديـهــا مخـابــيه
غـطّـّت عـلى وجــــه القمر باللثامي
واستـــدركت كلمة حـياتـي وغاليه
كنّه تبــسّم أو ضـــحك بانقــسامـي
أوهــــو تـذكّر كل ماأنا كنت أسّويه
كنّي قــســيتـــه يا خسـاره علامي
مـــدري وش الّلـي بالامانه أقاسيه
لو مــا أصدق كــلـمتي واصطــدامي
أو اعتبرها كلمة العشق ترجـــيـه
شعر ماجد بن راشد الهيري
ليست هناك تعليقات:
إرسال تعليق