انا في خاطري
عـليه الله وامان الله انا فـرضي أصـلــيـبه
تبي تكشف انا اوراقـي من الصوبين مسودّه
رعوش اوتار في عروقي أعانقها على خدّه
انا في خاطري شي(ن) أجيب العلم واصيبه
أذا بانت نـجــوم الليل ما تكفـينــي المـــــدّه
أصوغ الحرف بأسبابه واكتب مـن تجاريــبه
خفوقي مشتعل دايم على مــتن الهـوى هدّه
اذا يرضى عــلى قلبـــي يــزيد اليـــــوم تعذبيه
وانا خلــته بقيــفـــاني وهــــام القلب في قـــدّه
أبيه الحيــن ياخذني وانا اطوي مشاريـبـــه
مثل ماكان ياسرني بنــظــرة عــــــينـــه ولـدّه
امانه وانت فـي قلبي سـواة اللــــي يماريــبه
حسافه ماتـت طـــيــوفــك على قلبي ومنصـدّه
عـليه الله وامان الله انا فـرضي أصـلــيـبه
على ماكنت انا اخفيها فضحني الشوق ماســدّه
تعالي واحضني روحــي وانا باخـذ اساليبه
يكفّــي بالهـــوى طلّه تواسيـــني مـــن الشّده
أنا فـي واقـعي ميت ولو عشـتـه وانا ادريبه
ترى الاشــواق ما تبطـي لوغــابـت لها ردّه
وش اللي يمنعه عـنّي وهوحزني تسابيـبه
أعانق بالهـــوى روحه واقاسمها عــلى ودّه
ابعطي من نسى حزني سنين ايام وامضيبه
واصافـح راحــة كــــفـوفـــه اذا لامستها يدّه
يثير الفكـر من شانه على ماكان يوصـيــبه
يهيم الشـــوق باركـانه ويتبـّخــر عـلـى ندّه
ترى للحين مجنونه ولوراسى كسى شـيـبه
تبي تكشف انا اوراقـي من الصوبين مسودّه
صحيح أن الجـفا قاسي على قلبي ويصليبه
رعوش اوتار في عروقي أعانقها على خدّه
أنا ابكي على حّــبه ولو طــالت لي الغــيـبه
أعـد الوقت مايرحم وانا راضي عــلى عـدّه
شعر ماجد بن راشد الهيري
ليست هناك تعليقات:
إرسال تعليق